BUTUAN CITY – Wala na’y plano pa ang pamilya Salinas nga ipa-otopsiya ang patay’ng lawas sa manahiay human kini nakit-ang patay na kaganinang alas-sais sa buntag sulod sa iyang lawak.
Naila ang biktimang si Joy Panlidy Salinas, 43-anyos, residente sa Purok 9, Brgy. Los Angeles ning siyudad sa Butuan.
Migawas sa inisyal nga imbestigasyon nga naka-inom ang biktima kinsa nakit-an na lang sa iyang anak nga babayeng nagbitay na sa iyang lawak.
Gihaya kini sa usa ka punerarya sa Brgy. Ampayon ning siyudad sa Butuan.
Madumdumang kaganinang sayo usab sa buntag, napalgan nang wala’y kinabuhi ang 17-anyos nga si Bennie Allawan, residente sa Purok 8,Brgy. Ong Yiu ning siyudad kinsa naka-inom usab adiser mipa-uli pasado pasado alas-onse kagabii og nabantayan pang nagluhod nga gitu-uhang nag-ampo apan naghikog na diay.
