BUTUAN CITY- Gipasi-ugda ni Representative Francisco Paolo Ortega V sa Kamara nga mingpasar sa sufficiency in form ug kinahan na matud pang mosibog sa sunod nga lakang ang ika-4 nga impeachment complaint batok kang Vice President Sara Duterte.
Sa hearing sa House Committee on Justice nga gipangulohan ni Chairperson Jervil Luistro, pormal nga gipresenta ni Ortega ang gi-bansagang Cabrera complaint. Lakip si Rep. Bienvenido Abante Jr., gipasa nila ang Resolution of Endorsement niadtong Pebrero 18, 2026 kansa gipanumpaan atubangan ni Secretary General Atty. Cheloy Velicaria-Garafil.
Gi-insistar ni Ortega nga ang reklamo nga gipasaka sa mismong complainant nga si Atty. Nathaniel Cabrera, duly verified ug duly notarized. Pasado matud pa kini sa Rules of Procedure in Impeachment Proceedings sa komite tungod klaro nga ang mga akusasyon nakabase sa personal knowledge ug authentic documents. Sumala sa magbabalaod, panahon na aron nga manukot sa tulobagon sa mga opisyal sa gobyerno unsa man ilagg kolor sa pulitika.
Kini taliwala sa pag-atubang sa bise presidente sa mga seryosong alegasyon sa culpable violation of the Constitution, betrayal of public trust, graft and corruption ug uban pang bug-at nga krimen kansa mingguba sa integridad sa institusyon.
Gibalikan usab ni Ortega ang pagpanumpa sa bise presidente dul-an 4 ka tuig na ang minglabay nga daw wala niini natuman. Tungod sa bug-at nga mga alegasyon ug igong mga gisumity nga dokumento, pormal nga gipasaka sa kongresista sa komite nga tugutang mosaka ang proceedings sa sunod nga yugto aron mo gawas ang kamatuoran.
