BUTUAN CITY – Balhog pagbalik sa bilanggoan ang usa ka tigpayuhot sa ginadiling drugas human usab nasikop sa buybust operation kagahapong adlawa sa may P-8, Barangay Holy Redeemer, Butuan City.
Naila ang nadakpan nga si Ian Valle Patanao alyas “Mego”, 41-anyos, residente sa Urica, Barangay Maog, Butuan City og nalista isip Regional Top Priority Target kon High-Value Individual.
Nakuha sa iyang posisyon ang sachet sa gitoohang shabu nga mitimbang og 5 gramos nga mibalor sa 34-mil pesos.
Ang naaresto kanhe na kining nadakpan niadtong 2014 tungod sa paglapas gihapon sa RA 9165 og napagawas niadtong 2018 pinaagi sa Plea Barganing Agreement.
Gihimo ang operasyon sa ginsakupan sa Butuan City Intelligence Unit, Butuan City Police Station-2 og PDEA-Caraga. Ang nakuhang mga butang lakip na ang naaresto gikustudiya na sa Butuan City Police Office alang sa tukmang disposasyon.
