BUTUAN CITY- Mingsurrender na sa kapulisan ang usa sa giingong suspek sa hazing nga miresulta sa pagkamatay sa 19-anyos nga maritime student sa Cavite.
Sumala ni Cavite Police Provincial Director PCol. Ariel Red, nga anaa na sa kustodiya sa General Trias Component Police Station ang suspek.
Ang biktima nga si Kenneth Alcedo, estudyante sa PNTC Colleges, gidala sa ospital human nawad-an og panimuot tungod sa mga samad nga na-angkon sa lawas, kansa gituohang gikan sa initiation rites.
Gi-angkon sa mga suspek nga aksidente ang nahitabo ug misulay pa sila og dagan gikan sa ospital, apan nakalingkawas sa ulahi.
Nakaplagan sa kapulisan ang sakyanan nga gigamit sa mga suspek nga adunay mga ID ug uniporme sa fraternity, nga naghatag og lead sa imbestigasyon. Padayon karon ang kapulisan sa pagsuta ug pagpangita sa uban pang suspek nga nalambigit sa insidente.
