BUTUAN CITY – Mi-abot na sa 60 ka mga business establishments sa tibuok Caraga Region ang apektado ang operasyon sukad mi-igon ang COVID-19 pandemic ning rehiyon.
Kini naka-apekto sa 789 ka mga trabahante nga kasagaran gikan sa accommodation ug food services ilabina sa mga restaurants ug hotels apil na sa financial insurance, wholesale ug retail services.
Sa eksklusibong pakighinabi sa Bombo Radyo Butuan, gibutyag ni Chona Mantilla – regional director sa Department of Labor and Employment kon DOLE-Caraga nga base kini sa ilang kada-adlaw nga monitoring alang sa isubmite usab nilang establishment report on job displacement.
Sigon sa opisyal, sa 60 ka mga apektadong establisamiento, upat niini ang hingpit nang nagsira samtang 56 usab ang mihimo og retrenchment kon nanaktak og trabahante.
Duna matud pa’y mga adlaw nga wala’y matalang gitangtang nga trabahante kansa ila usab nga ikalipay apan duna usa’y mga adlaw nga makatala sila og pipila ka tawong gi-retrench.
Gidugang pa ni Director Mantilla nga nagpadayon ang ilang mga programa alang sa mga apektado sa COVID-19.
Partikular niini ang post COVID-Tulong Panghanapbuhay sa Ating Disadvantaged/Displaced Workers kon TUPAD, usa ka community-based package sa mga hinabang nga maghatag og emergency ug mga and seasonal workers, sa minimum nga napulo ka adlaw 10 days, apan dili mulapas sa 30 ka mga adlaw depende sa nature sa trabaho.
