BUTUAN CITY – Gitaho sa Department of Migrant Workers nga anaa sa 9,854 ka Pilipino na ang nakabalik sa nasud tungod sa nagpadayon nga kagubot sa Middle East.
Base sa datos sa ahensya hangtud sa Mayo 20, 2026, lakip sa mga nakauli ang 7,748 overseas Filipino workers (OFWs), 1,745 ka kapamilya nila, ug 361 stranded ka Pilipino.
Sumala sa DMW, kapin 60-mil katawo usab ang nahatagan sa nagkalain-laing klase sa tabang ilalom sa repatriation ug assistance programs sa gobyerno. Lakip niini ang financial assistance, pagkaon, medical aid, transportasyon, ug temporaryong matabangan.
Samtang miabot usab sa nasud niadtong Huwebes ang 79 pa ka OFWs gikan sa Kuwait sakay sa Gulf Air flight isip kabahin sa padayon nga repatriation efforts sa gobyerno.
Gisugat ang mga miuling OFWs sa mga ginsakpan gikansa DMW, Overseas Workers Welfare Administration, ug medical team sa Manila International Airport Authority.
Gawas sa hinanaling ayuda, nangandam usab ang gobyerno sa reintegration programs sama sa job matching, skills training, ug livelihood assistance aron matabangan ang mga OFW nga makasugod pag-usab sa nasud.
