-- ADVERTISEMENT --
BUTUAN CITY – Sa ngalan sa mga Filipino migrants nga atua sa Roma, Italya, nagpasalamat si Luis Antonio Cardinal Tagle ngadto kang Santo Papa tungod sa pagpanguna niini sa misa sa yukaristiyang kasa-ulugan ingon man pagpasalamat sa pag-abot sa Kristuhanong pagtuo sa Pilipinas, 500 ka mga tuig na ang nakalabay.
Gipa-abot niini ngadto sa Santo Papa ang filial love sa mga Filipino dili lang sa Pilipinas kondili apil na kapin sa 10-milyunes ka mga Pinoy nga atua sa 100 ka mga kanasuran sa kalibutan.
Kini ilabina nga ang pag-abot sa Kristuhanong pagtuo sa Pilipinas, regalo sa Kahitas-an kansa gidawat sa kadaghanang mga Filipino ug kamatu-uran niini, ang Pilipinas maoy ikatulo sa tibuok kalibutan nga duna’y pinakadaghang tumutuong Katoliko.
