-- ADVERTISEMENT --
BUTUAN CITY – Padayon pa ang imbestigasyon sa kapulisan sa Anda, Pangasinan aron matumbok ang responsable sa pagpatay sa usa ka college graduating student human kini napalgan sa basakan sa maong dapit.
Ang 22-anyos nga si Lowilyjn Caniedo, graduating sa kursong hospitality management, napalgang nagkulob sa basakan nga duna’y samad sa ulo ug hubo ang lawas.
Migawas sa inisyal nga imbestigasyon sa kapulisan nga pasado alas-otso sa gabii niadtong Huwebes, Hulyo 20, nananghid kini sa iyang inahan nga mu-adto sa balay sa iyang higala apan wala na maka-uli pa.
Wala gisalindot sa kapulisan ang posibilidad nga gilugos pa kini una gipatay.
