BUTUAN CITY – Pakyas nga makasulod sa play-off sa NBA ang Golden State Warriors human sila gilat-an sa Phoenix Suns sa ilang play-in tournament kaganina sa iskor nga 111-96.
Nahimong luya ang dula sa warriors ilabina kay wala makadula ang ilang superstar nga si Kristaps Porzingis samtang si Stephen Curry duna lay 17 puntos.
Sa Suns, nanguna sa kadaugan niini si Jalen Green nga dunay 36 puntos.
Maka-agbat sa Suns ang number 1 sa East Conference nga Oklahoma City Thunder. Lakip sa makadula sa play-off sa West mao ang Los Angeles Lakers nga number 4 batuk sa number 5 nga Houston Rockets; ang Denver Nuggets usab nga number 3 batuk sa Minnessota Timberwolves nga number 6 og ang San Antonio Spurs nga number 2 batuk sa number 7 nga Portland Trailblazers.
Sa west, kumpleto na usab human nakuha ang number 8 nga puwesto sa Orlando Magic sa dihang midaug usab sila kaganina batuk sa Charlotte Hornets sa iskor 121-90.
Tungod niini makalaban sa Magic ang number nga Detroit Piston.
Lakip sa mga panag-agbat sa East mao ang Cleveland Cavaliers nga number 4 batuk sa number 5 nga Toronto Raptos; number 3 nga New York Knicks batuk sa number 6 nga Atlanta Hawks; og ang Boston Celtics nga number 2 batuk sa Philadelphia Seventy-sixers nga number 7.
