BUTUAN CITY – Naghatag og dakong problema ang pagmagahi ni kanhi kapitan Felix Gonzaga pag-ukupa sa barangay hall hinugdan nga dunay daghang katawhan ang nahadlok pag-adto sa brgy hall aron magkuha sa mga gikinahanglang dokumento.
Sa eksklusibong pakighinabi sa Bombo Radyo Butuan, gibutyag ni suspended Kapitan Rodencio Basubas Jr. nga wala girespeto ni Gonzaga ang pagtudlo kang 1st kagawad Danilo Maisog isip acting kapitan sa ilang barangay.
Nasayrang dihang gipangutana si Gonzaga sa kapulisan wala kini motobag hinungdan nga wala silay ideya kung unsay katuyuan niini sa pag-adto sa maong barangay hall.
Gipangutana usab ni Basubas Jr kung asa na ang mga city councilors nga nagsuspende kaniya kansa maoy dunay katungod nga maka-aghat kang Gonzaga kung unsay katuyuan niini.
Gihagit pa niini ang kanhi kapitan nga lantawon ang kahimtang sa katawhan og dili ang kaugalingon ilabina nga daghan na ang nadamay sa gibuhat niini sa kalit nga pag-adto sa barangay hall taliwala nga gipakita na kaniya ang papel nga nagtugot kang Maisog nga maoy muingkod isip acting kapitan.
Isog nga gibutyag usab niini nga ang gipangita nga mga ebidensya ni Gonzaga sa iyang gi-atubang nga kaso anaa na kaniya ug gi-forward na niya sa Ombudsman nga klarong mao matud pa’y tuyo ni Gonzaga.
Ang gusto lamang niini nga respetohon niini ang disisyon sa Butuan City Interior and Local Government.
Nangayo og despensa si Basubas ngadto sa katawhan sa Brgy Ampayon sa gihimo sa kanhi kapitan sulod sa ilang barangay hall nga naghatag og kahasol dayong nga magpabiling mukalma aron dili na mas modako pa ang problema.
