BUTUAN CITY – Malampusong napanaog sa duha ka mga rescuers gikan sa Bureau of Fire Protection kon BFP-Butuan ang 23-anyos nga ginang nga mikatkat sa ibabaw nga bahin sa tulay Magsaysay human naghuna-huna pag-ambak dihang gibiyaan na sa iyang ka-ipon.
Kapin sa duha ka oras nga gihimo ang rescue operation alang kang Anna Marie Abuzo kinsa desididong idayon ang iyang plano tungod kay wala kini mukanaog dihang gitabangan pagsinggit sa iyang tulo ka minor-de-edad pang mga anak nga munaog na alang kanila.
Wala panumbalinga sa inahan ang bisan unsa na lang nga pagkunbinsi kaniya bisan pa man ang kusog nga pagbundak sa ulan. Milurang lang ang plano niini dihang naka-istorya na ang iyang ka-ipong si Adam Saguid ug misaad nga magbalik na sila dayong sulti sa mga pulong nga ‘I Love You’.
Samtang gipadayag pa ni Adam nga desidido na siyang biyaan si Anna Marie tungod kay wala na siya’y laing opsyon nga sulbad sa pagka-palahubog matud pa niini nga dili man ang gani atimanon ang ilang mga anak.
Kada-uli matud pa niya gikan sa trabaho, kanunay lang kining hubog og magsige lang og panelos bisan asa siya mutrabaho rason nga nawad-an na siya og gugma niini.
Apan tungod sa gihimo sa iyang asawa, naglibog pa siya kung unsa ang musunod niyang lakang nga himuon ilabina nga ka-upat ka higayonna matud pa kining misulay pagtubok si Anna.
