BUTUAN CITY – Komulo na karong naghimo og guidelines o Implementing Rules and regulation kon IRR ang City Transportation and Traffic Management Department kon CTTMD-Butuan alang sa pagpang-apod-apod sa fuel subsidy sa mga tricycle-for-hire og motorela-for-hire drivers.
Kini aron madungan sa gipaabot nga 15 ka adlaw nga publication sa ordinansang napapasar sa Sanguniang Panlungsod ning siyudad diin gipanghinaot nga paghuman sa semana santa masugdan na ang paghatag sa fuel subsidy.
Sigon ni Eliza Pangilinan, Acting Division Head sa Transport Operations Division sa CTTMD-Butuan nga gikalipay nila ang pag-apruba sa Ordinance No. 17-043-2026 o ang one-time fuel subsidy nga 2-mil pesos.
Paningkamotan matud pa nila nga mahatagan niini ang tanang kapin 2,700 ka mga drivers sa tricycle og motorela diin ang pondo kuhaon sa budget sa local government unit.
Gitumbok usab niini ang mga rikisitos aron makadawat ang usa ka driver sama sa dapat narehistro isip operating tricycle-for-hire o motorela-for-hire unit sulod sa hurisdiksiyon sa Butuan; dapat usab naghawid kini og valid driver’s license ug Driver’s Education Program (DEP) ID gikan sa City Transportation and Traffic Management Department og dapat aktibo kining namasahero sa siyudad atol sa implementasyon.
Giklaro usab sa opisyal nga ang fuel subsidy dili kwarta kundi vouchers.
Alayon niini, giklaro ni Pangilinan nga nakasabot ang lokal nga kagamhanan sa sitwasyon rasong nangeta og pamaagi nga makatabang sa sektor sa transportasyon.
Samtang hangyu ngadto sa mga drayber nga likayan ang pagsingil og dako nga plitehan dayung butyag nga gisuspinde ang fare increase. Samtang sa mga sumasakay, gihangyu usab sa opisyal nga sabton ang kahimtang sa mga drivers nga maoy hilabihang naapektuhan sa kasamtangang taas nga presyo sa gasolina.
Human na-aprubahan ang ordinansa, gipaabot usab ni City Administrator Atty. Joseph Ian Sabado nga dunay pagtoon usab nga himoon sa paghatag og tabang sa mga drayber sa public utility jeepneys (PUJs) og uban pang PUVs.
