BUTUAN CITY – Hilabihan na ang kahinam sa tanang mga Qataris ug Filipino Community sa pagsugod sa 2022 FIFA World Cup sa Qatar sunod buwan kondiin siento-porsiento nang andam ang Qatar sa pag-host niini.
Sigon ni Bombo International Correspondent Minchie Moliyok direkta gikan sa Qatar, gipa-abot na lang ang paghidangat na sa mga bisita sa tibook kalibutan diin sa Nobyembre uno muabot ang gikan sa Japan.
Sumala ni Moliyok nga duna nay naka-designate nga pinuy-anan sa bisita nga motan-aw sa mga dula.
Sumala pa niini nga naghinam-hinam na sila nga magsugod ang dula ilabina kaydaghang mga aktibidadis ang masaksihan.
Samtang walay nakitang pagsaka usab sa presyo sa mga palaliton karung hapit na magsugod ang dula hinuon duna na’y daghang mga souvenir nga mga Qatari items nga locally-made ang mapalit na.
