BUTUAN CITY – Gibatikos sa mga tigpaminawan ning sibyahan ang pagmagahi ni kanhi Ampayon, Butuan City Brgy. Kapitan Dennis Felix Gonzaga pagbiya sa barangay hall kagabii taliwa nga dili na kini maka-transact tungod kay dili na office hours.
Gipamugos sa usa ka Surigaonon reactor nga kinahanglan ang unang kagawad ang mjsunod sa gisuspendeng kapitan ug kini gipamatud-an sa gipakanaog nga kamanduan sa Butuan City Interior and Local Government kon CILG.
Nakapangutana kini kung unsa ang gisaligan ni Gonzaga nga nagpabaga pa man kini og nawong.
Gani gitawag pa niining pulpol ang mga pulis nga wala misunod sa kamanduan sa ilang labaw nga ahensya nga kung buot matud pang huna-hunaon, pwede nilang alsahon pagawas sa barangay hall si Gonzaga.
Samtang laing Butuanon reactor ang nagbutyag nga kung sakto pang tawo si Gonzaga og nagsunod sa balaud, dili na kini manghilabot pa sa barangay hall tungod kay wala na kini kagahom aron mupuli sa gisuspendeng si Kapitan Basubas.
Iya usab nga gikatingad-an nganong dili magamit sa mga pulis ang ilang gahom aron himuon ang angayang himuon.
Kung gusto matud pa ni Basubas nga mudumala pa sa maong barangay, maghulat na lang kini sa sunod nga eleksyon.
Sa pagkakaron, mingaw na ang palibot sa barangay hall apan gi-atangan gihapon sa tanan kung unsa ang mamahimong dagan niini karong adlawa ilabina kung mubalik ba kaha pagsamok-samok si Gonzaga
