BUTUAN CITY – Naputos pa gihapon sa kahadlok ang mga Pilipino sa nasud nga Lebanon human ang natigayong pagbusikad n ing mi-aging gabii diin mikalas na og 135 ka kinabuhi samtang libuan ang samaran.
Sa eksklusibong pakighinabi sa Bombo Radyo Butuan ngadto sa OFW nga si Jaijud Ibbang, lumad nga taga Los Angeles, Butuan City og kasamtangang nagtrabaho sa maong nasud, gikumpirma niining mibakwit gilayon sila human sa pagbusikad apan dili pa gihapon sila luwas ilabina kay dunay impormasyon nga masundan pa ang maong panghitabo.
Pagbutyag pa sa Pinay, ang nahitabo ning mi-aging gabii nagpasamot sa kalisud sa katawhan sa Lebanon lakip na sa mga Pilipino.
Sumala pa niini, hilabihan na ang kapit-os nga ilang nahiaguman tungod sa Covid-19 diin miti-urok og maayo ang ekonomiya sa maong nasud nga gidugangan pa sa maong pagbusikad.
Adiser ang pagbusikad, daw patas na matud pa ang tanan kung hisgutan ang estado sa kinabuhi tungod kay nabati niyang wala na’y pobre ug adunahan sa maong nasud tungod sa grabeng pagti-urok sa ilang ekonomiya rason nga mihangyo kini sa gobyerno sa Pilipinas nga i-repatriate na ang mga OFWs.
Una nang gisaysay sa OFW ang nahitabo kagabii diin mitay-og matud pa ang iyang gipuy-an adiser nadungog ang pagbusikad apan swerteng frame lang ang nabuak sa iyang gipuy-an dili susama sa ilang mga kaubanan sa taas nga dakbalay nga nabungkag ang tanang samin.
Hangtud karun wala pay natumbok nga hinungdan sa maong pagbusikad apan base matud pa sa ilang nakitang video, dunay eroplano nga dunay gihulog nga butang sa maong dapit adiser ang pagbusikad.
