BUTUAN CITY – Giadjust na sa Department of Health (DOH) ang ilahang advisory sa publiko aron nga malikayan ang pagtakod sa mpox. Sumala sa DOH nga likayan matud pa ang skin-to-skin nga pakighilawas pinaagi sa pakighilawas kauban ang hinugugma virtually, o kaha sa paglipay sa kaugalingon nga dili hikapon ang partner. Giawhag usba sa DOH kadtung dunay mga sintomas sa maong sakit nga aron malikayan ang pagtinakdanay, himoon nalang “self pleasure” bisan layo sa partner.
Pagpaklaro pa ni Health spokesperson Albert Domingo nga ang nasampit nga gibutangsa DOH handouts susama lamang sa ginagamit nga mga pulong sa ubang nasud, rason nga bisan culturally inapproriate kini sa uban, dili matud pa mabag-o ang kamatuorang gibase sa siyensya.
Kahinumduman nga pipila na ka higayon nga gibutyag sa DOH nga aron malikayan ang unsa man nga pagtakod sa mpox mao ang paglikay sa pagdikit sa mga bahin sa kalawasan sa matag-usa.
