BUTUAN CITY – Giakusahan ni Vice President Sara Duterte si Pangulong Ferdinand Marcos Jr. nga matud pa responsable sa kagubot sa Senado ug sa kasamtangang sitwasyon sa nasud.
Sumala sa Bise Presidente, dunay nahitabo matud pang “abuse of power” ug kawalay pagrespeto sa institusyon sa Senado taliwa sa mga nahitabong tensyon sulod sa lehislatura.
Sigon usab ni Sara Duterte nga gigamit matud pa sa administrasyon ang tanang makinarya sa gobyerno batuk sa mga dili mosuporta sa Pangulo.
Dugang pa niini nga gigamit matud pa sa administrasyon ang tanang resources sa gobyerno aron e-demolish ang kalaban sa politika.
Tungod niini mipalag usab ang Malacañang giin gibutyag niini nga mas maayong dili na patulan ang mga pamahayag sa Bise Presidente, nga matud pa walay basehan ug walay unod.
Sigon sa Palasyo, kinahanglan sa nasud og usa ka opisyal nga nakatutuk sa serbisyo publiko ug dili sa pagpakaylap og intriga ug sayop nga impormasyon.
