BUTUAN CITY – Siguradong mahugyaw ang Philippine Arena tungod sa personalidad nila si Jerry Yan, Vic Chou, ug Vanness Wu nga magdala sa ilang “F Forever” tour dinhi sa Pilipinas karong Hunyo.
Ang tulo ka miyembro sa sikat nga grupong F4 nga nailhan tungod sa Meteor Garden moabot sa nasod karong Hunyo 27 aron ipakita ang ilang pinaka-gipaabot nga reunion concert human sa kapin duha ka dekada.
Mouban usab kanila si Ashin, ang bokalista sa Mayday.
Ang Live Nation Philippines ug Ovation Productions mipahibalo sa detalye sa ticketing para sa usa lang kagabii nga pasundayag sa Bulacan.
Ang Live Nation presale magsugod sa Mayo 23 sugod sa alas-12:00 sa udto hangtod alas-11:59 sa gabii. Ang general sale mosunod sa Mayo 24 sugod alas-12:00 sa udto.
Sila Jerry Yan, Vanness Wu, ug Vic Chou ang kabahin sa F4 uban ni Ken Chu. Sila ang mga bida sa sikat nga Taiwanese youth drama nga Meteor Garden kauban ang mitaliwan na nga Barbie Hsu, nga namatay sa miaging tuig.
