December pension ug 13th month pay sa mga SSS pensioners, dungan nga madawat

BUTUAN CITY – Maayong balita alang sa mga pensioners sa Social Security System kon SSS tungod kay sayu nilang madawat ang 13^th month pay ug pension sa bulan sa Disyembre.

Sigon ni PJ Lao, system analyst og spokesperson sa SSS-Butuan, dungang madawat sa tanang pensioners ang ilang 13^th month pay ug pension karung Disyembre 1 ug 4, depende sa ilang date of contingency.

Lakip sa makadawat ang survivor’s pensioners, retiree’s pensioners og disability pensioners.

Sa Disyembre 1 madawat sa mga pensioneers nga nasulod sa pesta uno hangtud sa 15 ang ilang date of contingency samtang sa Disyembre 4 usab madawat sa mga pensioners nga ang nasulod sa petsa 15 ngadto sa 31.

Ang date of contingency mao ang petsa kanus-a namatay ang miyembro alang sa survivor pensioner, petsa kanus-a nagretiro alang sa retirees og petsa kanus-a na-approve ang application alang sa disability pensioners.

Sumala pa ni Lao, gisugdan ang sayung paghatag sa 13^th month pay og pension sa Disyembre niadtong tuig 2021.