BUTUAN CITY- Gisaway nilla Akbayan Party-list Rep. Perci Cendaña ug Mamamayang Liberal (ML) Party-list Rep. Leila de Lima si Vice President Sara Duterte tungod sa daw paglikay niini sa mga hearing sa Kamara kalabot sa impeachment proceedings.
Sa iyang pamayaga sa X, sigon ni Cendaña nga dili namatud pa ikayinga ang wala pag-atubang sa Bise Presidente.
Samtang, gisaway usab ni De Lima ang dayag nga pagbag-o sa baruganan ni Duterte, labi na sa iyang nangaging mga pahayag. Gi-awhag usab ni De Lima ang Supreme Court nga dili matud pa tugotan ang mga lakang nga daw gigamit aron makalikay sa tulobagon.
Gipasiugda usab niini nga ang pagsugod sa impeachment proceedings anaa sa gahom sa House of Representatives.
Pagklaro pa niini, nga ang initiation sa impeachment case, lakip ang mga hearing sa Committee of Justice, usa ka exclusive purview sa Kamara. Kung girespito matud pa kini, respituhon usab matud pa ang prinsipyo sa separation of powers.
Bisan paman nga wala pa nagpagawas og complete petition nga gipasaka sa Korte Suprema, sigon ni De Lima nga ang maong lakang nakapahimo og mga pangutana.
Nagsugod ang mga pamahayag sa nagpadayon nga hearing sa House Committee on Justice kalabot sa impeachment case batok kang Duterte, kung asa gituki sa mga magbabalaod ang mga ebidensya aron masuta kung adunay igo nga basehan aron ipasaka ang kaso sa Senado alang sa pagtaral.
