-- ADVERTISEMENT --
BUTUAN CITY- ‘Wala pay desisyon ang Iran nga magpadala og negotiating delegation sa Pakistan hangtud anaa matud pa ang naval blockade sa Strait of Hormuz, sumala sa taho sa kagahapon Domingo.
Base sa taho, dili matud pa mo apil ang Tehran sa mga gikatakdang negosasyon sa ceasefire sa Islamabad kung dili kuhaon ang nasangpit nga blockade.
Taliwa paman niini, gi-anunsyo ni U.S. President Donald Trump nga mo-abot sa pakistan karung Lunes ang mga representante sa Amerika aron ipadayon ang panagsabot sa Iran. Bisan paman, wala na niini gihisgutan pa kung si kinsa nga mga opisyal ang motambong, ug wala pay pamahayag gikan sa White House ug sa opisina ni U.S. Vice President JD Vance.
