BUTUAN CITY – Padayon pang gisuta sa kapulisan kung wala’y foul play ang kamatayon sa usa ka dalagang empleyado sa Technical Education Skills Development Authority kon TESDA-Caraga kinsa napalgan sa iyang mga kabanay nga wala na’y kinabuhi djha sa sala sa iyang panimalay.
Naila ang biktimang si Fe Gomez, 58 anyos, ug residente sa Purok 16, Upper Mandacpan, Brgy. San Vicente ning dakbayan sa Butuan.
Migawas sa inisyal nga pakisusi sa kapulisan nga gidalikyatan sa iyang mga kabanay iyang pinuy-anan tungod kay wala na nila kini ma-contact rason nga dinhi nadiskubrehan ang iyang patay’ng lawas nga duna’y samad sa ulo og nagbanaw ang dugo sa sala.
Inisyal nang gitu-uhan sa mga kabanay nga posibleng gi-atake sa iyang sakit nga high blood ang biktima ug ang pagkabundak sa salog ang gitu-uhang hinungdan sa samad sa iyang ulo apan mihangyo ang mga pulis nga ipa-otopsiya ang iyang patay’ng lawas aron masuta ang tinuod nga hinungdan sa iyang kamatayon.
