-- ADVERTISEMENT --
BUTUAN CITY – Kumbinsido ang pamilya sa usa ka 20-anyos nga dalaga nga walay foul play sa paghikog-patay niini kagahapong adlawa sa may Purok-7, Barangay Alubihid, lungsod sa Buenavista, Agusan del Norte.
Nasayran nga nakaplagan na lang nga nagbitay og wala nay kinabuhi ang biktima nga si Evelyn Bagnol, 20-anyos, residente sa maong dapit pasado alas 6:30 sa buntag.
Base sa impormasyon gikan sa kapulisan, napalgan sa iyang igsoon nga si Angelyn Bagnol ang biktima nga nagbitay na gamit ang pisi nga gihikot sa iyang li-og sa bodega luyo sa ilang balay.
Sa pamahayag sa mga kabanay, kanhi na nga misulay paghikog ang biktima, rason nga gisuta pa ang hinungdan nga maoy nagtuklod niini sa pagbuhat og ingon.
