BUTUAN CITY – Eksklusibong gipakita ni Dra. Caridad Burdeos-Plete, ang head sa COVID-19 Department sa Butuan Medical Center ngadto sa mga Bombo Radyo Butuan reporters ang ilang state-of-the art nga COVID ward nga padayon pang gitrabaho aron magamit na sa labing daling panahon.
Ang nasangpit nga ward hitsas sa mga ventilators ug tanang medical equipment nga gamiton pagtambal sa mga COVID-19 positives.
Ang maong ward nga duna‘y 48 nga bed capacity duna’y mga TV sets gawas nga hinlo ug hapsay kaayong palibot nga maoy butangan sa mga pasyenteng duna sa makamatay nga coronavirus.
Duna kini’y portion alang sa mga mu-anakay nga positibo sa COVID-19, ingon man sa mga operahanang COVID-19 patients.
Ang maong mga gamit gipunduhan mismo sa lokal nga kagamhanan ning siyudad apan duna usa’y pipila ka mga indibdiwal nga nagdonar og katre ug uban pa.
