BUTUAN CITY – Gi-akusahan ni Senadora Imee Marcos ang administrasyo sa pag-apil sa mga isyu sa Senado human namahayag sa iyang manghod nga ni Pangulong Ferdinand Marcos Jr. kabahin sa kontrobersyal nga psugyot nga online voting alang sa mga senador.
Sigon sa presidential sister, klaro kaayo ang gibuhat sa administrasyon batok sa majority bloc sa Senado human nga gisaway sa presidente ang Senado ug nag-apil apil sa isyu sa online voting.
Sa iyang pamahayag human mi-abot gikan sa Japan, gipadayag sa pangulo nga tumong lang matud pa sa sugyot ni Senador Rodante Marcoleta nga maka-apil si Senador Ronald “Bato” dela Rosa bisan pa nga gipangita kini sa mga awtoridad.
Alang kang Senadora Marcos, ang mga pamahayag sa pangulo maoy klarong paglapas sa constitutional boundaries tali sa ehekutibo ug lehislatura tungod kay nagtumong matud pa kini nga iparalisa sila tungod sa kahadlok kung unsa unya ang mahimong tinuod nga mabulgar sa Blue Ribbon investigation. Gusto pa nila nga wala’y kagahum ang Senado ug mahimo lang nga rubber stamp sa ilang mga plano.
Sa pagkakaron, wala pa’y opisyal nga tubag ang Malacañang bahin sa mga pamahayag ni Senadora Imee Marcos.
