BUTAUN CITY- Nagtuo matud pa si Senator Imee Marcos nga dili posibleng ibuwag sa politika ang timing sa pagpasaka og kaso batok sa pipila ka miyembro sa majority bloc lakip si Senator Jinggoy Estrada ug dungan sa pagsupak sa online Participation sa Senado.
Ang maong pamahayag ni Marcos gihimo human gipasakahan og plunder case si Estrada sa Sandiganbayan kalabot sa daw flood control scandal kung asa posibleng magpagawas na og warrant of arrest batok sa Senador. Sumala ni Marcos, nakapahimo na og pangutana o sunod-sunod nga legal nga actions batok sa mga majority Senators, samtang padayon usab matud pang gi-kontra sa Minority Bloc ang sugyot nga maka-tambong online ang Senators nga adunay gi-atubang nga kaso.
Gitumbok usab niini, nga ang Senado kasamtangang nag-atubang sa mga sensitibong hisgutanan lakip na ang Impeachment Proceedings ug mga importanteng national issues, hinungdan nga importante matud pang madungog ang tanang bahin sa napiling Senador.
Samtang mingbwelta usab niini si Senador Panfilo “Ping” Lacson kung asa giklaro niini nga posibleng ma-amyendahan ang rules sama sa kagustohan sa mayorya. Apan pag-insistar sa Senador, nga dili matud pa kinin dali-dali-on ug ipaagi sa husto nga proseso subay sa lagda sa Senado.
