BUTUAN CITY- Balik Pilipinas na si President Ferdinand Marcos Jr human ang upat ka adlaw nga state visit niini sa Japan.
Impunto alas 6:19 kagahapon sa gabie Biyernes, Mayo 29 ming-abot ang delegasyon sa Presidente kauban si First Lady Liza Araneta-Marcos.
Gihulagway sa Pangulo nga ang upat ka adlaw nga state visit niini sa Japan nahimong makahuluganon kung asa natunong pa kini sa ika-70 nga anibersaryo sa normalization sa diplomatic relation sa Japan.
Gi-ila usab sa Presidente nga usa ka dakong dungog ang maka-encounter si Japanese Emperor Naruhito ug Empress Masako sa Imperial Palace sa Tokyo.
Gipanghinambog usab ni Marcos ang mabungahong meeting nila ni Japanese Prime Minister Takachi Sanae.
Gani, gibalita pa niini nga suportado sa Japan ang kandidatura sa Pilipinas alang sa United Nations Security Council.
Gawas niini, naka-meeting usab sa Presidente ang mga Filipinos nga namuyo ug nagtrabaho sa Japan.
Samtang, mipadayag usab og kabalaka si President Marcos Jr. sa nga natigayong kagubot sa Senado lakip ang insidente sa pinusilay, walk out sa minority bloc ug alegasyon sa bag-ong senate rule. Sigon ni Marcos, makasubo na matud pa ang kahimtang sa Senado kumapara niadtong kini Senador pa. Matud pa niini, nga kani-adto adunay grabe nga debate apan nagpabiling professional ug dili personalan ang mga Senador.
