BUTUAN CITY- Nakapasaka na og piyansa sa Sandiganbayan sila Senator Jinggoy Estrada ug kanhi Department of Public Works and Highways (DPWH) chief Manuel Bonoan tungod sa kasong graft nga adunay kalabotan sa anomalya sa mga proyekto sa DPWH.
Kagahapon sa hapon, Biyernes mipadulong si Estrada ug Bonoan aron mopasaka g tig-P90,000 sa Sandiganbayan Second Division pila ka oras human magpagawas ang Sandiganbayan og warrant of arrest. Pagklaro pa ni Senador Estrada, mipasaka kini og piyansa isip legal nga lakang alang niini ubos sa justice system. Tanan matud pa nga katungod iyang buhatn aron iyang madepensahan ang iyang kaugalingon.
Gilimod usab sa Senador ang tanang mga alegasyon batok niini Walay gihatag nga unsang pamahayag usab ang kanhi Secretary sa DPWH kung asa human ang pagpasaka niini og piyansa, minglakaw lang dayon kini sa Sandiganbayan. Nagpagawas usab ang Second Division og hold departure order batok kang Estrada ug Bonoan.
Kahinumduman niadtong Huwebes, Mayo 29, mpasaka ang Office of the Ombudsman og graft ug plunder batok nila Estrada ug Bonoan kauban ang pipila ka mga opisyal sa DPWH. Samtang ang ubang graft ug plunder case nga usa ka non-bailable batok sa mga niini gikuptan sa Sandiganbayan Fifth Division.
Pagklaro usab nii Assistant Ombudsman Mico Clavano, nga ang kasong plunder ug graft case batok kang Estrada ug mga co-accused tungod sa iligal nga budgetary insertions ug project allocations sa mga proyekto sa DPWH sukad pa niadtong 2025.
