BUTUAN CITY – Mubisita dinhi sa Caraga Region sunod semana ang mga opisyal sa Presidential Communications and Operations Office kon PCOO ug Philippine Information Agency kon PIA uban usab sa Department of Health kon DOH, Department of Social Welfare and Development kon DSWD ug Department of Interior and Local Government kon DILG.
Kini aron personal nga ipasabot ang kamahinungdanon sa vaccination program sa kagamhanan sa dili pa mangabot dinhi sa nasud ang gi-purchase nga mga COVID-19 vaccines karong bulana.
Kini subay na sa mas gipakusgang ‘Explain, Explain, Explain’ campaign sa kagamhanan.
Sigon ni PIA Director General Mon Cualoping, importanteng ipahibalo ang face-to-face ngadto sa katawhan ang kamahinungdanon sa pagpabakuna ilabina nga migawas sa bag-uhay lang nga survey nga gamay’ng porsiento lang sa mga Filipino ang magpatupok sa COVID-19 vaccine.
