BUTUAN CITY – Malipayong gitaho ni Dr. Gerna Manatad, medical officer IV sa DOH-Caraga nga sulod sa halos duha ka buwan, padayong nagkagamay ang mga natalang COVID-19 cases sa rehiyon.
Sa eksklusibong pakighinabi sa Bombo Radyo Butuan, hugot niining gipasalamatan ang tanang mga Caraganons sa pagsunod kanunay sa minimum health protocols nga maoy usa sa mga hinungdan pa-ubos na mga COVID-19 cases kansa sukwahi sa ubang mga rehiyon sa nasud nga nagkataas ang natalang kaso.
Alayon niini, wala’y plano ang ahensya nga ihunong ang subsob nilang contact-tracing alang niadtong mga gidudahang duna’y close contact sa mga nagpositibo sa makamatay nga sakit, bahala na og magnegatibo ang resulta sa ilang swab test.
Makonsidera matud pa kining success story alang sa Caraga Region ilabina nga daghang rehiyon sa nasud nga mitala og pagsaka sa ilang local cases.
