BUTUAN CITY – Gitugutan lamang og tag-usa ka flight sa usa ka adlaw, ka-upat kada semana ang mga airline companies ning siyudad human nga gibuksan na ang ang operasyon sa Bancasi Airport.
Kini human nga gitugutan na sa Civil Aviation of the Philippines kon CAAP ang pagbalik sa operasyon sa 30 ka mga airports sa tibuok nasud kondiin ang mga commercial flights sa Philippine Airlines kon PAL nagsugod na kagahapon Hulyo 13 sunod sa Cebu Pacific niadtong Hulyo 8.
Human nagpagawas og abiso kalabot nini ang Civil Aviation of the Philippines kon CAAP, nagpagawas gilayon ang mga Local Government Units og kamanduan nga magsuporta sa pagbalik na sa commercial airport operations sa tagsa-tagsa nila ka mga lugar. Pipila sa maong mga airports bisan og nagtugot na sa pagbalik sa commercial flights, subject pa gihapon ngadto sa managlahing documentary ug passenger LGU restrictions.
Sigon ni Butuan City Councilor Cherry Mae Busa, base sa Resolution No. 49 Series of 2020 nga gipagawas sa Regional Task Force on COVID-19 One Caraga Shield sa pag-abri sa Bancasi Airport ug sa pagtugot sa operasyon sa mga commercial airlines apil sa mga adlaw nga duna’y flight ang Lunes, Miyerkules, Biyernes, ug Dominggo.
Apan kinahanglang adaptahon gihapon ang 50% nga seating capacity kansa pwedeng dugangan hangtud 75% depende unya sa sitwasyon sa mga kaso sa COVID-19.
Kinahanglan usab nga ang mga pasahero duna’y dalang COVID-19 test results, nga dili lapas sa 5 ka adlaw aron makabiyahe kondiin ang gastos sa pagpa-test, abagahon mismo sa pasahero, ma-Rapid Antibody Test man kini o kaha Reverse Transcription Polymerase Chain Reaction.
