BUTUAN CITY- Nakatala na og tulo ka mga kaso sa COVD-19 Delta variant ang Caraga Region human nga migawas ang resulta gikan sa gihimong sequencing sa Philippine Genome Center.
Ang maong ihap nalakip sa nadugang nga 182 ka mga kaso sa Delta variant sa tibuok nasud.
Tungod niini hugot ang pahimangno sa Department of Health kon DOH-Caraga ingun sa lokal nga kagamhanan ning syudad sa pagsunod sa gipatumang minimum public health standards ingun man ang pagpabakuna kansa mao ang maayong depensa batok sa COVID-19 ug bisan asa nga mga variants.
Kinahanglan matud pa nga timan-an sa tanan nga saktong pagsuot sa facemask, perming paghugas sa kamot ingun man ang pag-obserba sa physical distancing, ug ang pagsiguro sa sakto nga ventilation kung anaa sa mga indoors.
