BUTUAN CITY – Hustisya ang singgit sa pamilya Kipkipan sa Purok 5, Brgy. Taguibo ning siyudad tungod sa brutal nga kamatayon ni Jenerose Coscos Kipkipan, kinsa namatay tungod sa mga bun-og ug samad sa lawas nga na-angkon niini nga gitu-uhan nilang binuhatan sa iyang amo samang nagtrabaho sa Riyadh, Saudi Arabia.
Sa eksklusibong pakighinabi sa Bombo Radyo Butuan, gipadayag sa ka-ipon sa biktimang si Jose Delima nga niadtong Enero pa ning tuiga nagsugod pagtrabaho ang biktima kinsang among babaye isog matud pa kaayo ug mupasakit kaniya.
Ang iyang gikatingad-an tungod kay migawas sa death certificate nga normal death lang ang gikamatyan niini taliwa sa kadaghan sa mga samad ug bon-og sa lawas niini rason nga pursigido siyang mahatagan og hustisya ang nadangatan niini ilabina nga duna sila’y lima ka mga gagmay pang mga anak.
Misaad matud pa ang Overseas Workers’ Welfare Administration kon OWWA nga human sa lubong niini karong Dominggo, Septembre 27, sugdan na nila paghikay ang mga angayang atimanon aron makasuhan ang respnsable sa pagkamatay sa iyang kapikas.
