BUTUAN CITY- Gihulat pa ang resulta sa autopsy sa patayng lawas sa usa kang Butuanong kadete sa Philippine Merchant Marine Academy kon PMMA didto Zambales aron masayran ang hinungdan sa kamatayon niini human napalgang walay nay kinabuhi sa CR sa usa ka barracks sa maong academy kagahapon sa sayo sa buntag.
Ang paghimo sa autopsiya kabahin sa nagpadayong imbestigasyon sa kapulisan sa San Narciso, Zambales diin bukas usab niini ang kadumalhan sa PMMA.
Sa pamahayag sa PMMA, napalgan sulod sa CR si 4th Class Jonash Bondoc nga wala na niginhawa hinungdan daling gidala sa tambalanan apan gideklara nga kining dead on arrival sa doctor.
Gibutang na sa restricted costudy ang mga kaubanang kadete ni Bondoc sa Alpha Company nga anaa sulod sa barracks.
Wala’y nakitang samad o kaha bun-og ang lawas sa namatay nga kadete pero aron makita ang tanang pwedeng hinungdan naghimo na og autopsy.
Samtang, nag-pasa na matod pa og courtesy resignation ang commandant of cadets, battalion officer ug company officer.
Nakatakda usab muadto sa Zambales ang kabanay sa kadete aron personal nga masayran ang mga impormasyon sa nagpadayong imbestigasyon.
Nasayran nahimo kaniadtong kabahin sa Student Supreme Governmet kon SSG sa Agusan High si Bondoc ug sumala sa mga higala niini, usa kini nga buotan nga bata ug barkada.
