BUTUAN CITY – Managlahi ang approach nga ihatag sa City Social Welfare and Development kon CSWD-Butuan ngadto sa mga kliyenteng mu-abot o kaha dalhon sa ilang center o kaha facility nga nakasinati og trauma.
Sa ekslusibong pakighinabi sa Bombo Radyo Butuan, gibutyag ni Ryl Patayan, ang center head sa Bahay Pag-asa Home for the Boys ug sa Lingap Center, ila unang i-assess ang naagi-ang problema sa ilang kliyente nga maoy hinungdan sa pagdala kanila sa iLang pasilidad o center.
Tumong niini nga ilang ma-classify kung trauma ba gayod ang nasinatian niini o kaha duna lama’y anxiety attack o kaha na-stress lang sa ingon ila usab nga ma-cassify ang gikinahanglan nilang tabang o kaha intervention.
Pinaagi matud pa sa ilang himuong assessment, ilang masuta kung makaya ba sa ilang level ang pag-atiman sa ilang kliyente o nanghinahanglan na og taas og kasinatian nga intervention sama sa mga psychiatrists.
Samtang gipadayag usab ni Lovelynn Mae Plaza, Assistant City Social Welfare and Development Officer, nga importanteng ma-assess gilayon sa labing daling panahon ang mga kliyenteng maka-abot sa ilang buhatan aron masulbad gilayon ang mga problemang naghatag kanila og trauma pinaagi sa pagtambal kanila.
