BUTUAN CITY – Pirmado na ni Butuan City Mayor Ronnie Vicente Lagnada ang Executive Order No. 24, alang sa dugang mga guidelines sa implementasyon sa enhanced community quarantine koin ECQ ning siyudad.
Apil sa mga nadugang sa mga probisyon ang color-coding scheme alang sa mga home quarantine passes, pagtunga sa ihap sa mga households sa matag-barangay ngadto sa tulo alang sa mga corresponding schedules; documentary requirements alang sa pag-isyu o mga work passes, apil na sa mga informal workers.
Samtang ang mga emergency/medical passes mamahimo nang gamiton alang sa pagpalit ug mga tambal o kaha medical supplies; pag-isyu og uniform nga home quarantine, work, ug medical passes nga duna’y unique control number, dry seal o kaha ink seal; pagsubmite sa Barangay quarantine pass report nga himuon sa matag-barangay; pag-sanctions sa mga Barangay officials nga makalapas sa quarantine pass guidelines; pag-usab sa number coding scheme ubos sa Section 9 sa EO 22; ug ang mandatory nga pagpresenta sa mga home quarantine pass sa mga pasahero ngadto sa mga vehicle drivers.
