BUTUAN CITY – Gipangunahan ni Pangulong Ferdinand Marcos Jr., ang pagpang-apod apod og nagkada-iyang klase sa hinabang ngadto sa mga benepisyaryo gikan sa General Santos City ug Sarangani Province kagahapon atol sa pagsa-ulog sa Labor Day.
Sa gihimong seremonya sa Lagao gymnasium, malampusong napang-apod apod ang 10-kilos nga libreng bugas ilalom sa Local Government Support Fund (LGSF) kondiin mi-abot sa 5,000 ka mga residente ang nakadawat niini.
Nahimamat usab sa pangulo ang pipila ka mga presidential scholars kondiin nakadawat ang matag-usa og P20,000 nga scholarship grant.
Personal usab nga gihatag sa pangulo ang kapin sa P33.6 million nga financial assistance alang sa mga barangay ng GenSan ug Sarangani.
Ilalom sa Socio-Civic Project Fund, nakadawat ang GenSan og P5.2 million alang sa 26 niini ka mga barangay samtang P28.4 million usab alang sa 142 barangay sa Sarangani. Ang matag-barangay, giahtagan og P200,000 araon pakusgon ang ilang kakapas nga tubagon ang mga prayoridad nga proyekto sa ilang komunidad.
Una nang mitambong ang pangulo sa kasa-ulugan sa ika-124 nga Labor Day Job Fair sa GenSan kondiin iyang gisaluduhan ang mga trabahanteng Pilipino tungod sa kanilang dili matupngang abag sa nasud.
Nasayrang mi-abot sa kinatibuk-ang 4,062 ka mga bakanteng trabaho ang gihanyag alang sa mga local ug overseas positions sa Job Fair sa Gensan.
