Clarificatory hearing sa House Justice Committee, gitapos na apan botasyon himuon pa alang sa probable cause determination

BUTUAN CITY – Gitapos na sa House Justice Committee ang clarificatory hearing ingon man ang pagpresenta sa mga ebidensya isip suporta sa mga alegasyong nakalatid sa impeachment complaints batuk kang Vice President Sara Duterte. 

Base sa patakaran sa impeachment proceedings nga gibasa ni Luistro human ang pila ka higayong pag-absent sa besi presidente sa ilang mga pagdungog taliwa sa ilang mga imbitasyon, gideklara ni committee chairman Gerville Luistro ang impeachment complaint  nga submitted alang sa katuyuan sa pagdetermina sa probable cause.

Nadismaya ang komite human nasayran nga gituyo pagbalewala sa besi presidente ang ilang pagdungog ilabina karong adlawa human nakumpirmang mitambong kini sa pop-up exhibit sa usa ka mall sa Laguna.