BUTUAN CITY – Gikumpirma ni Butuan City government spokesperson Michiko de Jesus nga dinhi lang sa Caraga Region gi-ilang epicenter sa local transmission sa COVID-19 ang dakbayan sa Butuan ug dili sa Mindanao, base na sa usab sa pagkumpirma sa Department of Health kon DOH-Caraga tungod sa daghang natala niining mga kaso.
Sa eksklusibong pakighinabi sa Bombo Radyo Butuan, gibutyag ni de Jesus nga tungod niini, nakatutok ning siyudad ang mga lakang nga himuon sa nagkada-iyang ahensya sa kagamhanan ilabina ang pagsanta sa local transmission.
Sigon ni de Jesus, sa 31 ka mga bag-ong kaso ning siyudad, gawas sa kadaghanang natalang local transmission, duna usa’y mga healthcare workers kondiin ang uban mga non-medical frontliners sama sa mga pulis, mga sundalo ug uban pa.
Gila-uman sa opisyal nga sunod semana, duna nay laing ihap sa i-discharge na nga 154 ka mga aktibong COVID-19 patients nga nahimutang sa nagkada-iyang quarantine ug isolation facilities dili lang dinhi sa siyudad kondili apil na sa uban pang dapit ning rehiyon.
