BUTUAN CITY – Gideklarang Overall Champion ang Butuan City Division sa bag-ohay lang nahuman nga Regional Festival of Talents nga gipahigayon sa Nasipit, Agusan Del Norte, sugod niadtong Pebrero 16 hangtud sa 20, 2026.
Gisundan kini sa Agusan del Norte isip 2nd Place ug Agusan del Sur isip 3rd Place. Ang Butuan City Division midaug isip 1st Place sa Sining Tanghalan Bayle sa Kalye pinaagi sa Libertad National High School; og sa Histopap Kasaysayan Quiz (Elementary) pinaagi sa Butuan City SPEd.
Samtang siyam ka kategorya usab sa maong kompetisyon nga gideklarang 2nd place ang Butuan City Division. Lakip na niini ang sa Technolympics diin ang Butuan Central Elementary School alang sa Techno Fusion (Elementary); Technical Drafting (Secondary) – 2nd Place Butuan City School of Arts and Trades; og sa Dish Gardening (Secondary) – 2nd Place Agusan National High School.
Tungod niini, gelayong gipasegarbo sa City Government sa Butuan ang nakab-ot nga kalampusan dayung butyag nga dakong garbo kini nga nahatag sa mga estudyante ug mga coaches nga nagpakita sa ilang talento sa pag-abot sa kompetisyon sa Regional Festival of Talents (RFOT).
Tungod matud pa sa suporta sa mga coaches, magtutudlo, ug ginikanan, napamatud-an nga ang Butuanon learners and educators nagpadayon sa pagpanguna sa rehiyon.
