-- ADVERTISEMENT --
BUTUAN CITY – Pabiling Covid-free ang Bureau of Jail Management and Penology kon BJMP-Caraga.
Sigon ni Jail Supt. Bernie Ruiz, asst regional director og tigpamaba sa maong buhatan nga dunay 4 nalang ka rehiyon sa tibook nasud nga wala nasudlan sa Covid nga BJMP.
Kini gilangkuban sa rehiyon 2, 13 o Caraga, 1 og rehiyon 8. Sigon ni Ruiz nga hugot nilang gipatuman ang safety measures diin nag-implementar og total lockdown sa mga prisuhan.
Binulan na ang pag-turn-over sa duty sa mga personahe samtang walay dalaw usab sukad pa niadtong Mayo 2020.
Kinahanglan usab nga mopailalom sa mandatory rapid test ang musulod nga mga personahe aron maseguro nga dili masudlan sa virus.
-- ADVERTISEMENT --
Gidugang pa sa opisyal nga sa mga hearing, gihimo na kining online.
