BUTUAN CITY – Gitahasan sa Bureau of Internal Revenue (BIR) ang pag-isyu sa Letters of Authority (LOAs) aron mohimo og tax audits kang Vice President Sara Z. Duterte, ang iyang bana nga si Manases R. Carpio ug siyam ka negosyo nga konektado sa magti-ayon.
Sumala sa BIR, ang maong lakang bunga sa ilang makuting pagsusi nga dunay probable cause aron makahimo og pormal nga audit investigation sa mga nasangpit nga taxpayers.
Ang mga revenue officers nga ibutang sa matag kaso hatagan og kagahum nga susihon ang mga libro sa accounts ug uba pang accounting records sa mga subject entities.
Base sa BIR, ang kamanduan para sa LOAs nagdepende sa third-party information lakip ang mga datos gikan sa public ug official sources, alayon sa Section 5 sa National Internal Revenue Code (NIRC).
Gikonsidera usab sa Bureau ang testimonya gikan sa Office of the Ombudsman mahitungod sa Statements of Assets, Liabilities, and Net Worth (SALNs) ni VP Duterte, lakip na usab ang mga taho gikan sa Anti-Money Laundering Council (AMLC) nga gipagawas sa impeachment proceedings sa House of Representatives batuk sa Bise Presidente.
Mga negosyong ipa-ilalom sa audit:1. Carpio Lawyers (dating Carpio & Duterte Lawyers)
2. Zelta Matiem Salon
3. City Hall King Chow Foods Corporation
4. Davao Bounty Times Foods Corporation
5. Madayaw Fisheries Inc.
6. Davao Emerging Taipans Corporation
7. Amianan Shores, Inc.
8. Cale88 Foods Corporation
9. Geometry Security and Investigation Agency, Inc.
