BUTUAN CITY- Gipadayag sa National Bureau of Immigration nag wala pa silay natalang bag-ong rekord nga nagbutyag nga nakagawas na sa nasud si Sen. Bato Dela Rosa.
Sa pagpangutana sa Bombo Radyo Philippines, gipa-ambit ni Immigration Spokesperson Dana Sandoval nga sa kasamtangan wala pay bag-ong ‘travel records’ ang na-monitor sa Departamento.
Kini subay sa taho nga nakagawas na gikan sa Senado, si Senador Dela Rosa kagahapon pasado alas 2 sa kadlawon.
Samtang giklaro usab sa tigpamaba nga dili na sakop sa departamento kalabot sa hisgutanang ‘domestic flights’ partikular kung ang magababalaod nakalupad na padulong sa ubang lugar o probinsay.
Si Senador Dela Rosa, kasamtangang nag-atubang sa kasong ‘Crimes Against Humanity’ sa International Criminal Court tungod sa ‘war on drugs’ sa kanhi administrasyon.
Aduna na usab gi-isyu nga ‘arrest warrant’ ang International Tribunal batok niini apan sa kasamtangan wala pa nagmalampuson ang pagsilbi niini tungod na usab sa naka-ong-ong pang petisyon sa Korte Suprema.
