BUTUAN CITY – Gikumpirma sa Financial Intelligence Unit sa Mexico nga ilang temporaryong gi-freeze ang mga bank accounts sa naka-leave nga gobernador sa Sinaloa nga si Rubén Rocha Moya — apil ang accounts sa iyang mga anak ug pipila ka mga senior members sa iyang administration.
Kini human ang pagpasaka og federal charges sa Estados Unidos niadtong hinapos sa Abril nga nag-akusa kang Rocha Moya ug ubang mga Sinaloa officials nga mitabang sa Sinaloa Cartel.
Sigon sa Mexican authorities, gi-akusahan sa Department of Justice alang sa Southern District sa New York ang maong mga opisyal nga duna’y kutay ngadto sa drug trafficking, pagbaton og mga hinagiban ug pagdawat og milyunes dolyares nga suhol bugti sa paghatag og institutional protection ngadto sa “Los Chapitos” faction sa cartel.
Gikumpirma ni Mexican President Claudia Sheinbaum ang maong mga frozen accounts atol sa iyang news conference, dayong butyag nga wala pa kini labot sa final determination sa salaud.
Gihulagway ni President Sheinbaum ang maong lakang nga technical ug automatic mechanism nga gihimo sa mga bangko sa Mexico ug sa Financial Intelligence Unit human nag-isyu og arrest warrants ang mga American authorities.
