BUTUAN CITY – Mi-abot sa ₱7.7 nga kantidad sa gitu-uhang shabu ang nakumpiska sa gilusad nga drug buy-bust operation batuk sa top priority illegal drug personality sa Barangay Bago Gallera, Davao City, human nga mitimbang kini og kapin 135-gramos.
Gipahigayon kini pasado alas-3:04 ning mi-aging hapon sa Purok 10-B, New Town, sa pagpanguna sa Police Station 17 (Baliok) uban sa suporta sa 2nd City Mobile Force Company ug City Intelligence Unit.
Gi-ila sa kapulisan ang mga nadakpan nga sila alyas Brad, 31 anyos, nga gilista isip Top Priority Illegal Drug Personality, ug alyas Hannah, 33 anyos.
Sumala sa Davao City Police Office, ang tanang ebidensya gidokumento na ug ipa-ilalom sa forensic laboratory examination isip kabahin sa imbestigasyon.
Nag-atubang karon ang duha ka mga suspek og kaso tungod sa paglapas sa Republic Act 9165 o Comprehensive Dangerous Drugs Act of 2002, samtang nagpadayon ang legal nga proseso batok kanila.
