BUTUAN CITY – Sentro karun sa pagbatikos sa internet ang bag-ong logo sa Philippine Amusement and Gaming Corporation kon PAGCOR nga gigastuhan og sa 3-milyones pesos.
Pipila ka mga nag-obserba nagbutyag nga daghang red flags sa bag-ong gipagawas nga disenyo sa logo tungod kay gawas sa kadako sa gasto sa government corporation, kulang pa ang disenyo niini ug napuno pa sa ubang isyu ang naghimo niini.
Nasayrang ang nagpaluyo sa logo nga Printplus Graphic Services, gika-ingong niadtong Hunyo 14 ning tuiga lang nakaparehistro sa Philippine Government Electronic Procurement System kon PhilGEPS.
Bisan ang official page niini, wala man lay kaugalingong logo ug duna lama’yj 30 ka mga followers.
Dihang gipangita ang opisina niini, nasuta nga bakanteng lote ang lugar nga gitumbok.
Sugyot pa ni Atty. Gideon Pena, unta naghimo na lang og logo0making contest ang PAGCOR ug siguradong nakadaginot pa ang gobyerno ug daghan usab ang kapilian.
Madumdumang ning nakalabay nga buwan lang, nahimong sentro sa batikos ang Department of Tourism (DOT) tungod usab sa slogan ug promotional video nga gikuha pa sa ubang mga nasud inay nga sa kaugalingong mga nindot nga talan-awon sa Pilipinas
