BUTUAN CITY – Dili moubos sa 37 katawo ang nasamdan human ang bag-ong airstrike sa Israel sa southern Lebanon niadtong Mayo 15 samtang nagpadayon ang ikaduhang adlaw sa ceasefire nga gipangunahan sa Washington, D.C.
Sumala sa Israeli military, gitarget nila ang mga imprastruktura sa Hezbollah sa Tyre ug kasikbit nga lugar.
Samtang gikondena usab sa United Nations humanitarian coordinator sa Lebanon ang padayon nga kagubot ug gika-ingong gipahimuslan ang diplomasya para pug-ngan ang pagsamot sa krisis.
Base sa Lebanese health ministry, lakip sa mga samdan ang mga kababayen-an, bata, ug pipila ka hospital workers human naigo ang mga dakbalay dool sa usa ka ospital ug usa ka NGO center.
Daghan usab ang mihikling human maguba ang mga puluy-anan sa mga displaced families.
Bisan og dunay nagtunhay nga ceasefire sukad niadtong Abril 17, nagpadayon pa gihapon ang giyera tali sa Israel ug Hezbollah, nga parehong nag-akusa sa paglapas sa kasabutan.
Nasayrang gatusan katawo na ang namatay sukad nga magsugod ang mga giyera.
Dungan niini, nagpadayon ang peace talks tali sa duha ka panig sa US State Department diin naglaum ang Lebanon nga malugwayan ang ceasefire ug mahunong ang gihimong pagpamomba kanila.
Kung walay kasabutan posibleng mag-expire ang kasabutan sa Linggo.
