BUTUAN CITY- Miabot na sa Caraga Region ang bag-ong brand sa bakuna batok covid-19 nga Moderna.
Insaktong alas-8:19 sa buntag kagaina ,nahidangat ang 2 ka boxes nga adunay sulod nga 480 vials kon 4,800 doses sa Moderna COVID-19 vaccines sa Bancasi Airport,via air freight sa Philippine Airlines.
Ang nadawat sa Caraga nga Moderna Biotech gikan Spain kansa usa ka bag-ong brand sa COVID-19 vaccines.
Kaduha itupok ang maong bakuna ug ang recommended interval niini tali sa doses anaa sa 28 ka adlaw gikan sa unang dose.
Anaa usab -25 degrees Celsius hantod -15 degrees Celsius ang storage condition temperature nga kinahanglanon sa maong bakuna aron mapabilin ang ka-epektibo niini.
Gipangunahan usab sa mga kadagkuan sa Supply Unit sa DOH CHD-Caraga pinaagi nila Eleanor Lakag ug Ms. Rochie Ramos, ang pagsugat sa maong bakuna.
Sa pagka-karon anaa una gipundo sa usa ka cold-chain facility ning rehiyon ang Modera vaccine.
Pinaagi usab niini, padayong giawhag sa Department of Health -Caraga ang katawhan nga magpabakuna ug mosunod sa sistema sa pagpahatag niini sa matag LGU labi na sa gitakdang schedule.
Samanatala, 207,302 na ang kiantibuk-ang nabakunahan sa Caragga Region as of August 3, 2021
