-- ADVERTISEMENT --

BUTUAN CITY – Nailhan na ang babayeng napalgan nalang nga wala nay kinabuhi sulod sa sakyanan nga INNOVA sa Commission on Audit kon COA-Agusan Del NOrte kaganinang buntag.

 Sumala pa ni Elmer Maboloc, Municipal Administrator sa Buenavista, Agusan Del nOrte, nagkagubot kaninang bandang alas 7:00 sa buntag human gi-abrihan ang sakyanang INNOVA nga dunay plakang numero SAA 6843 nga naka-parking dool sa gate sa munisipyo.

 Pag-asoy pa ni Maboloc, misugat nalang sa drayber nga si Rodrigo Sajol Agkang, 33-anyos nga taga Purok-7, Barangay Abilan sakop sa maong lungsod ang laing baho human gi-abrihan ang sakyanan og didto sa backseat nakita ang wala nay kinabuhi nga biktima nga naglingkod.

 Daling misumbong ang drayber sa kapulisan hangtud nga napailalom na kini sa Scene of the Crime Operatives kon SOCO. Dunay ginganlan nga Geraldine Atasan, 25-anyos nga taga Barangay Rizal nga miila sa biktima nga iyang lola nga si Josefina Toga Parucho, 70-anyos, menyu nga taga Purok-19, Barangay Simbalan sakop gihapon sa maong lungsod.

Gitoohang hinungdan niini mao ang pagka-suffocate sa biktima apan padayon pang gipakisayran kung gi-unsa sa pagsulod niini sa maong sakyanan tungod kay gipamugos sa drayber nga wala na kini tawo sa dihang gi-parking niadtong hapon sa Biernes.

-- ADVERTISEMENT --

 Nasayran usab nga ang maong sakyanan alang lang sa paghatud og kuha sa mga empleyado sa COA-Agusan Del Norte.