BUTUAN CITY – Gi-aresto sa National Bureau of Investigation (NBI) ang kanhe TV host Jay Sonza kagabii sa iyang pinuy-anan sa Project 8, Quezon City tungod sa alegasyong pagpakaylap og peke nga medical information ni President Ferdinand Marcos Jr.
Gibutyag sa NBI nga nag-isyu ang Pasay City Regional Trial Court (RTC) Branch 118 og arrest warrant batuk kang Sonza may kalabutan sa criminal charges tungod sa alegasyong pagpakaylap sa sayop nga medical information sa panglawas ni Marcos.
Gikasuhan si Sonza og unlawful use of means of publication og unlawful utterances ilalom sa Article 154 of the Revised Penal Code (RPC) in relation to Republic Act 10175 o the Cybercrime Prevention Act of 2012.
Gikumpirma usab sa NBI nga ang nasangpit nga warrant dunay kasong walay gihatag nga piyansa.”
Gihimo ang pagdakop sa operatiba sa NBI Organized Crime Division (NBI-OCD) sa pakig-alayon sa NBI Cybercrime Division (NBI-CCD) ug NBI Technical Intelligence Division (NBI-TID).
Una nang gihimo ang case buildup og cyber-surveillance operations sa NBI-CCD niadtong Enero 2026 nga nagtumbok kang Sonza isip usa sa mga nagpakaylap sa dili beripikado og misleading medical information nga naglambigit sa Presidente.
Bisan og ang original posts na-delete na o restricted, gibutyag sa NBI nga na-preserba nila ang ebidensiya pinaagi sa digital forensic methods, lakip na ang authenticated screenshots og tracking sa reposted content.
